Kishilik hoquq teshkilatliri intérnétke cheklime qoyidighan döletlerni jazalashni telep qildi

Kishilik hoquq teshkilatliri peyshenbe küni amérika dölet mejlisi ezaliridin xitaygha oxshash intérnétke cheklime qoyidighan diktatur döletlerning tor qollan'ghuchilarni basturushigha yardem bergen tor shirketlirini jazalaydighan qanun chiqirishni telep qildi.
Muxbirimiz erkin
2009.06.19
Share on WhatsApp
Share on WhatsApp

Amérika awam palatasining tam lantos kishilik hoquq komitéti peyshenbe küni guwahliq bérish yighini chaqirip, kishilik hoquq teshkilatlirining bu jehettiki pikirini alghan idi.

Yighinda kishilik hoquq teshkilatlirining wekilliri obama hökümiti we amérika dölet mejlisidin yer shari intérnét erkinlik qanunini maqullashni telep qilghan. Chégrisiz muxbirlar teshkilatining washin'gtondiki mes'ul xadimi lusé morillon yighinda guwahliq bérip mundaq deydu: "ötkenki bir qanche kündin béri, irandiki weqeler bizge yépiq jem'iyetlerde metbu'at wastilirini köp xilashturushning muhimliqini esletti. Dölet mejlisi yer shari tor erkinlik qanunini qanche téz maqullisa shunche yaxshi."

Awam palata ezasi kristofér simit qatarliqlar otturigha qoyghan yer shari tor erkinlik qanuni sabiq amérika prézidénti jorji bush we bezi intérnét téxnika shirketlirining qarshi turushigha uchrap, eger bu qanun maqullansa, amérikining soda menpe'eti we xitaygha oxshash döletler bilen bolghan diplomatik menpe'etige ziyan salidighanliqini agahlandurghan.

Yahoo Shirkiti ilgiri xitay da'irilirige öktichi sha'ir shi tawning uchurini yetküzüp, uning 10 yilliq qamaqqa höküm qilinishigha sewebchi bolush bilen eyiblen'gen idi.


Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.