Xitayda 26 milyon'gha yéqin aqqun ishchilar ishsiz qélip yurtlirigha qaytip ketken

2 - Féwral düshenbe küni, xitay yéza xizmitige yétekchilik qilish guruppisi mudiri chén shiwén, xitayda 130 milyon etrapida aqqun ishchi barliqini, nöwette bularning 15 pirsentining xizmetsiz qalghanliqini ashkarilighan.

Birleshme agéntliqining xewiride neqil qilinishiche, her yili 5 - 6 milyon aqqun ishchining xizmet izdigüchiler sépige qoshulidighanliqini körsetken chén shiwén yene: "bularning hemmisini qoshup hésablighanda, nöwette ottura hésab bilen 25 - 26 milyon aqqun ishchi xizmetsizlik bésimida qalghan bolidu" dégen we bulargha xizmet pursiti yaritishning xitay jem'iyet muqimliqi uchun hel qilghuch amil ikenlikini qoshumche qilghan.

Derweqe, éksport nisbitining töwenlishige egiship taqilip qéliwatqan xitay zawutliri minglighan ishchilarni ishtin boshitishqa mejbur bolghan bolup, yéqindin béri jenubiy xitay rayonlirida ma'ashini alalmighan ishchilar kochilargha chiqip namayish qilidighan ehwallar barghanche köpeymekte idi.