Xitay kishilik hoquq pa'aliyetchilirini basturush bilen eyiblendi

Birleshken döletler teshkilati kishilik hoquq aliy komissari nawi pillay düshenbe küni xitayni kishilik hoquq pa'aliyetchilirini basturush bilen eyiblidi.
Muxbirimiz irade
2010.09.13
Share on WhatsApp
Share on WhatsApp

Nawi pillay bu heqtiki pikirlerni birleshken döletler teshkilati kishilik hoquq kéngishining küzlük yighinida otturigha qoydi. U, xitaydiki kishilik hoquq pa'aliyetlirining basturulush ehwali üstide toxtilip, xitayni kishilik hoquq pa'aliyetchilirini jimiqturush we basturush bilen eyiblidi.

Pillay sözide yene, rusiyidiki öltürülgen zhurnalistlar mesilisi üstidimu toxtilip, rusiyini bu zhurnalistlarning qatilini tépishqa we qanun boyiche bir terep qilishqa chaqirdi.

Roytérs agéntliqining xewer qilishiche, pillay sözide xitay, bélorosiye we tunis qatarliq bir qisim döletlerning qanun we türlük qa'ide - nizamlar arqiliq ammiwi teshkilatlarning pa'aliyetlirini qattiq cheklewatqanliqini, an'gola, zimbabwé qatarliq döletlerde jurnalistlarning tehditke uchrawatqanliqinimu tilgha alghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.