Xelq'araliq muxbirlar teshkilati xitayni eyiblidi

Xelq'araliq muxbirlar teshkilati 31 - yanwar küni doklat élan qilip, xitay hökümitining ötken bir yilda axbarat erkinlikini qattiq kontrol qilghanliqini tenqid qildi.
Muxbirimiz ümidwar
2010-01-31
Share

B b s agéntliqining xewer qilishiche, mezkur doklatta xitayning 2009 - yili xitay axbarat sahesi we chet'ellerning hemde xongkong, makaw qatarliq rayonlarning xitay chong quruqluqida uchur - xewer tarqitish ishlirigha tosqunluq qilghanliqi shuningdek intérnétni qamal qilghanliqi bayan qilin'ghan.

Doklatta körsitilishiche, xitayda ötken yili 9 - aydin tartip 11 - ayghiche bolghan ariliqta konkrét weqelerge qarita 62 xewer bérishni cheklesh buyruqi hem merkizi hökümet we yerlik hökümetning axbarat wastilirigha cheklime qoyidighan köp sanda belgilimiliri chiqirilghan.

Mezkur cheklesh we cheklime qoyush buyruqliri 5 - iyul ürümchi weqesi, sichu'endiki yer tewresh, bowaqlarning zeherlik süt parashoki, partlash weqeliri shuningdek yene emeldarlarning wezipisidin qaldurulushi, ölümge höküm qilish, sotlash hem bashqilargha munasiwetlik iken.

Xelq'ara muxbirlar teshkilatining mezkur doklatida yene xitaydiki muxbirlarning türlük jismaniy zerbilerge hetta türmige tashlinish xewplirige uchraydighanliqi körsitilgen bolup, hazir 100 ge yéqin muxbir we yazghuchi türmide iken.

Uyghur yazghuchisi nur muhemmed yasin ene shularning biri bolup, u "yawa kepter" namliq esirini yazghanliqi üchün uzun 10 yil muddetlik türme jazasigha höküm qilin'ghan. Shundaqla, 5 - iyul weqesidin kéyin bir qisim intérnét tor bashqurghuchiliri türmige tashlan'ghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet