Künming shehiridiki yéridin ayrilghan yawzu déhqanliri namayish qildi

Radi'omiz gu'angdung bölümining igilishiche, puching baziridiki qollirida lozunkilarni kötürüwalghan, yawzu millitidin bolghan 800 din artuq déhqan we bir qisim yawzular, shenbe küni bazarliq hökümet aldida naraziliq namayishi qilghan. Melum bolushiche, bazarliq hökümet “Yünnen medeniyet sheherchisi” qurush namida déhqanlarning térilghu yerliridin texminen 10 ming mo yerni mejburiy igiliwélip, yer sodigerlirige yuqiri bahada satqan. Bazarliq hökümet yene yuqirigha bu yerlerni boz yer dep melum qilip, yawzu déhqanlirigha ularning yerliri üchün tashlanduq yer qatarida intayin töwen tölem bergen, ularning otturidin zor payda élishi déhqanlarni narazi qilghan.

Melum bolushiche, ötken hepte bazarliq hökümetning yer igileshke ewetken xizmet etriti bilen kenttiki déhqanlar arisida toqunush yüz bérip, ikki neper yawzu déhqan éghir yarilan'ghan. Bu qétimqi naraziliq namayishi shu sewebtin yüz bergen.