Xitay ölüm jazasi heqqide yéngi layihe élan qildi

Xitay ali sot mehkimisining bayanatchisi bügün shinxu'a agéntliqi muxbirigha bayanat bérip, charshenbe küni élan qilin'ghan bu layihe, xitayda 2006 - yili tunji qétim testiqlan'ghan mehbuslargha qarita shepqetlik bolush, keng siyaset qollinish prinsipigha asasen békitilgenlikini bildürgen.

U sözide yene, xitay aliy sot mehkimisining jaylardiki sot mehkimiliridin, yéngi layihige asasen ösmür jinayetchiler hem yashan'ghan jinayetchilerge qarita kengri siyaset qollinishi kéreklikini, öz hoquqidin qalaymiqan paydilan'ghan hökümet xadimlirigha qattiq chare körülidighanliqini bildürgen.

Xewerlerdin melum bolushiche, 2008 - yili xitayda 1718 kishige ölüm jazasi bérilgen. Hazir xitayda 60 nechche xil jinayetke qarita ölüm jazasi bériliwatqan bolup, bu yillarda xitayda siyasiy jinayetchilerge qarita ölüm jazasi bérish nisbiti barghanche éship bériwatmaqta iken.

Xelq'ara insan heqliri teshkilatliri xitaydiki ölüm jazasigha qarita üzlüksiz eyiblesh élip bériwatqan bolup, bolupmu bultur 5 - iyul weqesige qarita élip bérilghan sotlarda 26 neper Uyghurgha ölüm jazasi bérilishi dunya Uyghur qurultiyi qatarliq Uyghur teshkilatlirining, xelq'ara kishilik hoquq teshkilatlirining hem démokratik döletlerning qattiq eyiblishige uchrighan idi.