Хитайда орган көчүрүш опиратсийисидә мәһбуслар органлири асаслиқ мәнбә қилинмақта

Хәвәрдә баян қилинишичә, хитайниң муавен сәһийә министири хуаң җифу хитайда 'ианә қилди' дейилгән адәм органлириниң 65% и өлүм җазасиға һөкүм қилинған мәһбусларниң бәдән органлири икәнликини ашкарилиған.

Униң ейтишичә, әслидә өлүм җазасиға һөкүм қилинған мәһбусларниң бәдән органлири дохторханилардики орган көчүрүш опиратсийисиниң асаслиқ мәнбәси қилинмаслиқи, мәһбусларниң һоқуқиға һүрмәт қилиниши, уларниң органлирини парчилап елиш, пәқәт һөкүмни иҗра қилиштин бурун имзаланған қануний келишим буйичә болуши лазим иди.

Шаңхәйдики хуасән дохторханиси орган көчүрүш бөлүминиң мудири чән җәнминниң баян қилишичә, бу дохторханида 2003‏ - йилидин һазирға қәдәр, өлүм җазаси берилгән 130 мәһбусниң һәр хил органлири 500 нәпәр бимарға көчүрүлүп болған.

Мәһбусларниң органлирини көчүрүштә һечқандақ қануний рәсмийәт болмиған, бәлки мәһбусларниң органлири халиғанчә парчилап елинған, һәтта бу җәрянда шәхсийләр көп пайда қазанған.

'Гуаңҗу гезити' дә баян қилинишичә, хитайда 'орган ианә қилиш' җәһәттә һечқандақ қануний рәсмийәт йоқ болупла қалмай, бәлки 'ианә қилинди' дейилгән йүрәк, өпкә, бөрәкләрниң исрап қилиниш һадисилири интайин еғир.

• Принт
• Һәмбәһр
• Әвәтиш

Барлиқ пикир - баянларни көрүш.

• Бүгүнки аңлитиш
• Илгирики аңлитишлар