Хитай мәркизи һөкүмити дөләтни қанун билән идарә қилишни күчәйтиш һәққидә мәхсус һөҗҗәт чиқарди

Һөҗҗәттә бәзи район вә бәзи саһәләрдә қанун иҗра қилиш мәсилисигә қарита қаттиқ наразилиқ барлиқи; бу җай вә бу саһәләрдә чоң иҗтимаий вәқәләрниң келип чиқиш еһтимали барлиқи, буниң алдини елиш үчүн дөләтни қанун арқилиқ башқурушни күчәйтиш тәкитләнгән.

Хәвәрдә билдүрүлишичә, бу һөҗҗәт 10 ‏- айда һазирланған болуп, түнүгүн вен җябавниң тәстиқи билән елан қилинған. Һөҗҗәтниң елан қилиниш вақтиниң кечикиши, бәзи ахбарат органлири тәрипидин хитай мәркизи һөкүмитидики ислаһатчи вә консерватип икки гуруппиниң пикир ихтилапиниң ипадиси дәп қаралмақта.

Чүнки хитай баш министири вен җябав өткәнләрдә ахбаратқа қилған сөзидә, әгәр хитай сиясий ислаһат елип бармиса, бундин бурун қолға кәлтүргән иқтисадий тәрәққиятидики нәтиҗилирини қолдин чиқирип қойиду дегән. У өткән йили вашингитон зиярити давамидиму, әдлийә вә ахбаратниң мустәқил болуши керәкликини, хәлқниң һөкүмәтни назарәт қилиши керәкликини тәкитлигән.

Хитайда дөләтни қанун билән башқурушни күчәйтишниң тәкитлиниши һакимийәт қатлимидики ислаһат майиллиқидики кишиләрниң авазиниң йүксилиши дәп қаралмақта.