Xitay, senlu shirkitining süt parashogida cheklen'gen bir ximiyiwiy maddining barliqidin xewerdar ikenlikini ashkarilidi

Shenbe küni xitay sehiye ministirliqi, bowaqlarning süydük yolida tash peyda bolushigha we bir bowaqning ölümige seweb bolghan süt parashokini satqan senlu süt férmisining, süt parashokini ishletmeslik toghrisida uqturush chüshürülüshidin nechche hepte burun mezkur süt parashogida cheklen'gen bir ximiyiwiy maddining barliqidin xewer ikenlikini ashkarilidi.
Muxbirimiz ömer qanat xewiri
2008-09-13
Share

 Lékin xitay sehiye minstirliqi teripidin élan qilin'ghan bayanatta, xitayning eng chong süt férmisi hésablan'ghan senlu hessidarliq shirkitining nime üchün süt parashokining cheklen'gen ximiyilik bir xil madda bilen bolghan'ghanliqidin ammini öz waqtida xewerlendürmigenliki heqqide bir néme déyilmigen.

Xitay sehiye minsitirliqining bildürüshiche, senlu hessidarliq shirkiti teripidin awghust éyida élip bérilghan tekshürüshte süt parashokining bir xil ximiyilik madda bilen bolghan'ghanliqi bayqalghan bolup, shirket bayanat élan qilip, 2008‏ - yili 8‏ - ayning 6‏ - künidin burun ishlepchiqirilghan barliq balilar süt parashoklirini yighiwélishni qarar qilghanliqini bildürgen.

Xewerlerge qarighanda, hökümet senlu guruhi hessidarliq shirkitige balilar süt parashoki ishlepchiqirishni pütünley toxtitish toghrisida buyruq chüshürgen.

Xitay sehiye minsitirliqining oqturushidin kéyin, senlu markiliq balilar süt parashoki import qilghan bezi döletler, xitaydin import qilin'ghan süt parashokini yighiwélish qarari alghan bolup, amérika birleshme agéntliqining xewer qilishiche, teywen hökümet da'iriliri on minglighan kilo senlu markiliq süt parashokini musadir qilghan.

Bu arida xewerlerge qarighanda xitayda senlu markiliq süt parashokini ishlitish netijiside késel bolghan balilar sani 432 ge yetken.
 

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet