Хитайда ' хитай демократийиси' намлиқ нахша пластинкисиға аит тор бәтлири чәкләнди

Америкиға җайлашқан "қорал вә қизилгүл" музика әтрити йеқинда базарға салған " хитай демократийиси" намлиқ нахша пластинкисиға аит тор бәтлириниң хитайда чәкләнгәнлики ашкариланған болуп, франсийә агентлиқиниң көрситишичә, мәзкур нахша лентисиниң тор бети хитайда ечилмайдикән.
Мухбиримиз җүмә
2008.11.24

Хәвәрдә көрситилишичә, "хитай демократийиси" нахша лентисиниң мәхсус тор бети хитайда тақиветилгәндин сирт йәнә, хитайдики нопузлуқ издәш тор бети бәйду ториму "хитай демократийиси" гә аит нахша - музикиларни издәшни тосивәткән.

Һалбуки, хитай мәдәнийәт министирлиқи баянатчиси " хитай демократийиси" нахша пластинкисиниң хитай торлирида чәкләнгәнликини инкар қилған, һәтта бундақ нахша пластинкисиниң барлиқини тунҗи қетим аңлаватқанлиқини билдүргән.

"Қорал вә қизилгүл" музика әтрити 1985 - йили әксл ровз тәрипидин калифорнийиниң лос анҗелес шәһиридә қурулған болуп, 1991 - йилидин буян нахша пластинкиси ишләп бақмиған.

 "Хитай демократийиси" мәзкур музика әтрити 17 йилдин буян елан қилған тунҗи нахша лентиси болуп, бу йил 23 - ноябирда базарға селинған иди.


Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.