Xitayda ' xitay démokratiyisi' namliq naxsha plastinkisigha a'it tor betliri cheklendi

Amérikigha jaylashqan "qoral we qizilgül" muzika etriti yéqinda bazargha salghan " xitay démokratiyisi" namliq naxsha plastinkisigha a'it tor betlirining xitayda cheklen'genliki ashkarilan'ghan bolup, fransiye agéntliqining körsitishiche, mezkur naxsha léntisining tor béti xitayda échilmaydiken.
Muxbirimiz jüme
2008.11.24

Xewerde körsitilishiche, "xitay démokratiyisi" naxsha léntisining mexsus tor béti xitayda taqiwétilgendin sirt yene, xitaydiki nopuzluq izdesh tor béti beydu torimu "xitay démokratiyisi" ge a'it naxsha - muzikilarni izdeshni tosiwetken.

Halbuki, xitay medeniyet ministirliqi bayanatchisi " xitay démokratiyisi" naxsha plastinkisining xitay torlirida cheklen'genlikini inkar qilghan, hetta bundaq naxsha plastinkisining barliqini tunji qétim anglawatqanliqini bildürgen.

"Qoral we qizilgül" muzika etriti 1985 - yili eksl rowz teripidin kaliforniyining los anjélés shehiride qurulghan bolup, 1991 - yilidin buyan naxsha plastinkisi ishlep baqmighan.

 "Xitay démokratiyisi" mezkur muzika etriti 17 yildin buyan élan qilghan tunji naxsha léntisi bolup, bu yil 23 - noyabirda bazargha sélin'ghan idi.


Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.