خەۋەردە كۆرسىتىلىشىچە، ھازىر خەينەن ئۇنىۋېرسىتېتىنىڭ يەتتە نەپەر ئوقۇغۇچىسىنىڭ مەزكۇر كېسەللىك بىلەن يۇقۇملانغانلىقى ئېنىقلانغان بولۇپ، يەنە 70 نەپەر ئوقۇغۇچى قورساق ئاغرىقى بىلەن ياتاققا ئېلىنغان.
ھازىر خەيكو شەھىرىدە خولېرا بىلەن يۇقۇملانغان بىمارلار سانى 51 نەپەرگە يەتكەن بولۇپ، نەتىجىدە خەينەن ئۇنىۋېرسىتېت مەكتەپ دەرۋازىسىنى تاقاپ باشقىلارنىڭ مەكتەپكە كىرىشى ھەمدە ئوقۇغۇچىلارنىڭ سىرتقا چىقىشىنى چەكلىگەن.
خولېرا پاسكىنا سۇ ۋە يېمەكلىكتىن يۇقىدىغان بىر خىل يۇقۇملۇق كېسەللىك بولۇپ، ئىچى سۈرۈش قاتارلىق ئالامەتلەرنى پەيدا قىلىدىكەن.
ئۆتكۈر خاراكتېرلىك خولېرا جىددىي ئىچى سۈرۈش ۋە بۆرەك زەئىپلىكىنى كەلتۈرۈپ چىقىرىپ ئادەمنىڭ ھاياتىغىمۇ تەھدىت سالىدىكەن. نۆۋەتتە خولېرانىڭ ئۇيغۇر ئېلىگە تارقالغانلىقى تېخى مەلۇم ئەمەس.