Микро зәрричиләрдин зәһәрләнгән йәттә нәпәр хитай қизниң иккиси өлүп кәткән

Бейҗиң әтрапидики бир завутта химийилик микро зәрричиләрдин зәһәрләнгән йәттә нәпәр хитай қизниң иккиси өлүп кәткән.
Мухбиримиз җүмә
2009.08.19
Share on WhatsApp
Share on WhatsApp

Ройтерс агентлиқида нәқил елип көрситишичә, тәкшүргүчиләр бу қизларниң сир завутида нәччә ай ишләш җәрянида, микро зәрричиләр түпәйли өпкиси мәңгүлүк зәхмигә учриғанлиқини көрсәткән. Бу һәқтики тәтқиқат нәтиҗилири, явропа нәпәс йоллири җурнилида елан қилинған.

Хәвәрдә оттуриға қоюлушичә, микро зәрричә технологийиси, гирим буюмлири, йемәклик орап - қачилаш, електронлуқ мәһсулатлар санаити саһәсидә ишлитилидикән. Һалбуки, микро зәрричиләрниң адәмгә зәхмәт елип келиш һадисиси илгири көрүлүп бақмиған икән.

Бу һәқтики тәкшүрүшни, бейҗиң чавяң дохтурханисидики мутәхәссисләр елип барған.

 Улар тәкшүрүш арқилиқ, мәзкур қизларниң көкрәк бошлуқи йүрәк әтрапини зиядә суюқлуқ қаплап кәткәнлики, суюқлуқта көрүнәрлик дәриҗидә микро зәрричиләр байқалғанлиқи ениқ дәлиллигән. Мәлум болушичә, бу қизлар сир завутида, 5 айдин, 13 айғичә ишлигән икән.
 
Хитайда хизмәт орнида зәһәрлиниш һадисиси көп көрүлиду. Өткән айда җилин өлкисигә җайлашқан "җилин каң нәйер химийә завути" чиқарған зәһәрлик маддилар, қошна завуттики 1200дәк ишчини зәһәрлигән вә буларниң көп қисми ятаққа елинған иди. 
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт