Хитайда йәнә қоғушундин зәһәрлиниш һадисиси көрүлди

Хитайда йәнә қоғушундин зәһәрлиниш һадисиси көрүлди. Мәлум болушичә, зәһәрлиниш йүннән өлкисидә йүз бәргән болуп, бу нөвәт җәмий икки йүз бала қоғушундин зәһәрлинип ятаққа елинған.
Мухбиримиз җүмә
2009.08.31

"Хитай гезити"дә көрситилишичә, бу йил июлниң оттурилири, күнмиң шәһири тоңду базири йиңпән кәнтидики деһқанлар, йезисидики зәһәрлиниш әһвалини ахбарат орунлириға хәвәр қилған. Деһқанлар зәһәрлинишни кәнтигә йеқин қурулған санаәт райони кәлтүрүп чиқарди дәп, гуман қилишқан.

Йүннән өлкиси зәһәрлинишниң алдини елиш ишханисиниң мудири бирләшмә агентлиқиға, мәзкур кәнттики 14 яштин төвән 60 пирсәнт балиниң қоғушундин зәһәрләнгәнликини билдүргән.

Хитайда санаәт районлириниң көпләп ечилиши, муһит булғинишини еғирлаштуруватқан болуп, нәтиҗидә хитайда һәр хил шәкиллик юқумлиниш вә зәһәрлиниш һадисиси коп садир болмақта.

Бу айниң бешида хенән өлкисидә 1300 бала, шәнши өлкисидә 650 бала қоғушундин зәһәрләнгән иди. Бу мушу ай ичидә хитайда көрүлгән 3 - қетимлиқ зәһәрлиниш һадисисидур.

Мунасивәтлик хәвәрләр
Қисқа хәвәрләр
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.