Xitayda yene qoghushundin zeherlinish hadisisi körüldi

Xitayda yene qoghushundin zeherlinish hadisisi körüldi. Melum bolushiche, zeherlinish yünnen ölkiside yüz bergen bolup, bu nöwet jem'iy ikki yüz bala qoghushundin zeherlinip yataqqa élin'ghan.
Muxbirimiz jüme
2009.08.31
Share on WhatsApp
Share on WhatsApp

"Xitay géziti"de körsitilishiche, bu yil iyulning otturiliri, künming shehiri tongdu baziri yingpen kentidiki déhqanlar, yézisidiki zeherlinish ehwalini axbarat orunlirigha xewer qilghan. Déhqanlar zeherlinishni kentige yéqin qurulghan sana'et rayoni keltürüp chiqardi dep, guman qilishqan.

Yünnen ölkisi zeherlinishning aldini élish ishxanisining mudiri birleshme agéntliqigha, mezkur kenttiki 14 yashtin töwen 60 pirsent balining qoghushundin zeherlen'genlikini bildürgen.

Xitayda sana'et rayonlirining köplep échilishi, muhit bulghinishini éghirlashturuwatqan bolup, netijide xitayda her xil shekillik yuqumlinish we zeherlinish hadisisi kop sadir bolmaqta.

Bu ayning béshida xénen ölkiside 1300 bala, shenshi ölkiside 650 bala qoghushundin zeherlen'gen idi. Bu mushu ay ichide xitayda körülgen 3 - qétimliq zeherlinish hadisisidur.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.