Хитайниң хенән өлкисидә 1000ға йеқин өсмүр қоғушун билән зәһәрләнди

Хитай ахбаратида көрситишичә, тәкшүрүш нәтиҗисидә бу өсмүрләрниң қан тәркибидики қоғушун миқдари интайин юқири чиққан.
Мухбиримиз җүмә
2009.10.14
Share on WhatsApp
Share on WhatsApp

Шинхуа ахбаратида хәвәр қилинишичә, мәзкур юқумлиниш һадисиси хенән өлкисиниң җийүән шәһиридә йүз бәргән. Мәлум болушичә, шәнши өлкисидә қоғушун билән юқумлиниш һадисиси көрүнгәндин кейин, хенән өлкиси җийүән шәһәрлик сәһийә даирилири 14 яштин төвән 2743 нәпәр өсмүр устидин тәкшүрүш елип барған. Нәтиҗидә 968 нәпәр өсмүрниң қан тәркибидә қоғушундин зәһәрлиниш аламәтлири көрүнгән.

Хәвәрдә көрситишичә, җийүән шәһиридә 35 қоғушун еритиш завути бар болуп, 53 йилдин бери қоғушун ишләпчиқирип кәлмәктә икән.

Җийүән шәһириниң башлиқи юқумлинишниң узун мәзгиллик булғиништин келип чиққанлиқини илгири сүргән. Бу хитайда шу хилдики әң йеңи юқумлиниш һадисиси болуп, өткәнки бир нәччә ай ичидә шәнши, йүннән вә фуҗйән өлкилиридиму миңлиған өсмүрләр қоғушун билән юқумлинип ятаққа елинған иди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.