'Xitaydiki kishilik hoquq depsendichiliklirige sel qarashqa bolmaydu'

Xelq'ara kechürüm teshkilati we kishilik hoquqni közitish teshkilati düshenbe küni bayanat élan qilip, yawropa ittipaqini xitay bilen bu hepte ötküzülidighan söhbet jeryanida xitaydiki kishilik hoquq depsendichilikini otturigha qoyushqa chaqirdi.
Muxbirimiz jüme
2010.06.28

Fransiye agéntliqining neqil qilishiche, xelq'ara kechürüm teshkilati ispaniye bölümining diréktori éstéban béltran mundaq dégen: "yawropa ittipaqi bu pursettin paydilinip, xitaydiki kishilik hoquq depsendichilik mesilisini otturigha qoyushi kérek."

U yene, xitay hökümitini kishilik hoquq xatirisini yaxshilashqa dewet qilghan.

Kishilik hoquqni közitish teshkilatidiki sofiy richardson xanim, ilgiri xitay bilen élip bérilghan kishilik hoquq söhbetlirining héchqandaq netije bermigenlikini körsetken we "yawropa ittipaqi bu nöwetlik söhbetni xitayda kishilik hoquq heqiqiy qoghdilidighan muhit yaritish uchun paydilinishi kérek" dégen.

Bu ikki kishilik hoquq teshkilati xadimliri yene, iqtisadi munasiwet tüpeyli xitaydiki kishilik hoquq depsendichiliklirige sel qarashqa bolmaydighanliqini ilgiri sürgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.