Xitay j x ministirliqi bir chong térrorluq guruhini pash qilghanliqini élan qildi

Birleshme agéntliq qatarliq xelq'ara axbarat wastilirining xewer qilishiche, bügün j x ministirliqi bir chong térrorluq guruhini pash qilghanliqini élan qilghan. Xewerlerde bildürülüshiche, j x ministirliqining bu melumati mezkur ministirliqning bügünki tor xewerliride bérilgen.
Muxbirimiz shohret hoshur
2010-06-22
Share

Ministirliq mezkur déloning tepsilati heqqide peyshenbe küni tepsiliy melumat béridighanliqini uqturghan. Xitay hökümiti 2008 ‏- yilliq olimpik harpisidin buyan, bir qanche qétim térrorluq guruhlirini qolgha chüshürgenlikini élan qilghan؛ emma arqisidin bu guruhlarning tepsiliy ehwali heqqide melumat bérishni ret qilip kelgen.

Bu sewebtin shu yili ayropilan'gha ot qoyushqa urundi dep eyiblen'gen 18 yashliq Uyghur qizi güzelnur turdining aqiwiti hazirghiche éniqsiz turmaqta. Xitay yene bultur 12 ‏- ayda, kambodzhadin qayturup epketken 20 Uyghurning ichide bezilirining ot qoyush we partlatquch yasash qilmishi barliqini bildürgen bolsimu, emma ularning qandaq bir terep qilin'ghanliqini hazirghiche dunyadin yoshurup kelmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet