Австралийидә хитайдин кәлгән зәһәрлик чекимлик қолға чүшүрүлди

Австралийә даирилири чаршәнбә күни хитайдин йөткәлгән 246 милйон доллар қиммитидики зәһәрлик чекимликни қолға чүшүргән.
Мухбиримиз җүмә
2012-11-21
Елхәт
Пикир
Share
Принт

Сиднейда елип берилған туюқсиз бесип керип зәрбә бериш һәрикитидә икки гумандар қолға елинған. Бу гумандарларниң бири америкилиқ, йәнә бири канадалиқ икән. Әмма буларниң милләт тәркиби ашкариланмиған.

Мәлум болушичә, даириләр икки йерим йилдин буян мәзкур зәһәр әткәсчилики үстидә мурәккәп тәкшүрүшләрни елип барған.

Нәтиҗидә 235 килограм «метамфетамин» дәп атилидиған зәһәрлик дора вә 115 килограм кокаин қолға чүшүрүлгән.

Метамфетамин мәст қилиш, роһландуруш вә хумар қилиш характеригә игә болған бир хил зәһәрлик мадда болуп, қанунсиз елип-сетиш хәлқарада чәкләнгән.

Уйғур елидә юқириқи маддилар қошуп ишләнгән қанунсиз дорилар «гилдиңбаш кумиличи» дәп аталған иди.

Австралийә қолға чүшүргән бу маддиларниң һәммиси хитайдин кәлтүрүлгән болғачқа, даириләр тәкшүрүшни хитайғичә кеңәйтидиғанлиқини билдүргән.

Пикирләр (0)
Share
Толуқ бәт