Хитайдин сүт мәһсулатлири импорт қилишини чәклигән дөләтләрниң сани барғансири көпәймәктә

Филиппин, бруни, камбоджа, малайшия, вйетнам қатарлиқ дөләтләр вә тәйвән хитайдин сүт мәһсулатлири импорт қилишини чәклигән болуп, шуниңдәк японийә, австралийә вә җәнубий корийә, қатарлиқ дөләтләр болса хитай сүт мәһсулатлирини чәкләпла қалмастин хитайдин импорт қилиндиған пүтүн йемәкликләр үстидики контроллуқини күчәйткән.

Бу арида яврупа иттипақиниң хитайдин сүт мәһсулатлири импорт қилишни чәкләш қараридин кейин, русийә хитайдин импорт қилинған 1 милйон 7 йүзмиң тонна балилар сүт парашокини мусадирә қилип, хитайдин сүт мәһсулатлири импорт қилишини пүтүнләй чәклигән.

Пәқәт асия вә яврупа қитәсидики дөләтләрла әмәс, америка вә африқидики нурғунлиған дөләтләрму хитайдин сүт мәһсулатлири импорт қилишни чәкләш тоғрисида қарар алған.

Хәвәрләргә қариғанда, хитай һөкүмити хәлқиниң хитайдики сүт вә сүт мәһсулатлириға болған ишәнчисини қайтидин турғузуш үчүн җиддий тәшвиқат паалийити елип бериватқан болуп, хитай рәһбәрлири сүт вә сүт мәһсулатлириниң бихәтәр икәнликини
Хәлиққә көрситиш үчүн, кәң көләмлик сорунлар уюштуруп, сәһниләрдә сүт ичишкә башлиған.

• Принт
• Һәмбәһр
• Әвәтиш

Барлиқ пикир - баянларни көрүш.

• Бүгүнки аңлитиш
• Илгирики аңлитишлар