Ikkinchi qétimliq daniye erkinlik mukapati murasimida xitay tenqidke uchridi
2012.04.30
Yighinda xitayning nöwettiki kishilik hoquq weziyiti qattiq tenqidke uchrighan. Mezkur mukapat daniyidiki CEPOS yeni siyasiy ishlar tetqiqat orni dep atilidighan bir ammiwi teshkilat teripidin tesis qilin'ghan we bulturdin bashlap yolgha qoyulghan, bulturqisi kubaliq bir öktichi zatqa bérilgen.
Yighin riyasetchi Jacob McHangama xitay heqqide toxtilip, xitayning yéqinqi yillardin béri iqtisadi jehettin tereqqiy qilghan bolsimu, erkinlik we kishilik hoquq jehettin qilchimu ilgiri basmighanliqini tilgha alghan. U süzide xitay dölitining öz puqralirigha pikir erkinliki we teshkillinish hoquqini bermey turup, xelq'arada inawetlik bir dölet bolushining mumkin emeslikini eskertken.
Mezkur teshkilat, 2005-yildin bashlap pa'aliyet élip bériwatqan bolup, ularning xizmet ghayisi, dunyada erkinlik we kishilik hoquqni omumlashturush, xelq'arada erkin sodini rawajlandurush, hökümet emeldarlirining we dölet organlirining soda ishlirigha arilishishini chekleshtin ibarettur.
Yighinda mukapat tapshuruwalghan yang jyenli söz qilip: “Eger wén jyabawning siyasiy islahat chaqiriqi rast bolsa, aldi bilen héch ikkilenmestin nobél sahibi lyu shawboni qoyup bérish kérek” dégen.
Köp körülgen xewerler
RFA
- Turpan karizliri: Uyghurlardin ayrip, xitay shirketlirining paydisigha yüzlendürülüwatqan karizlar
- Abduweli ayup: “Xitaygha bérip kéliwatqan Uyghurlarning köpiyishi jiddiy mesile!”
- “Uyghur” namini özgertish némige zörür bolup qaldi?
- Hamutxan köktürk: xitayning puli bilen xitayning méhmani bolup weten'ge barghanlar sherqiy türkistan dewasigha xiyanet qilghan bolidu
- Kikbokschi abdusemet tewekkül: “Nishanim dunya chémpiyoni bolup, sherqiy türkistanni dunyagha tonutushtur”