Sherqi türkistan ma'arip we hemkarliq jem'iyiti xitayning eyiblimisige inkas qayturdi

Xitay metbu'atliri sherqi türkistan islam herikiti teshkilati we sherqi türkistan ma'arip we hemkarliq jem'iyiti ezalirining süriyidiki öktichilerge qétilip, beshar esad hökümitige qarshi jeng qiliwatqanliqi we bularning jengge qétilishta elqa'ide teshkilatidin telim alghanliqi heqqide uchur tarqatqandin kéyin, sherqi türkistan ma'arip we hemkarliq teshkilatining re'isi tünügün radi'omizda pikir bayan qilip, xitayning mezkur uchurlirining toghriliqini inkar qilghan idi.

2011-10-30
Share

Bügün mezkur teshkilat öz tor bétide mexsus bir bayanat élan qilip, xitayning mezkur témidiki eyiblimisige inkas qayturdi. Teshkilat bayanatida, Uyghur teshkilatlirining ghayisining ana wetini sherqi türkistanni xitay mustemlikisidin qutuldurush ikenlikini, shunga bu teshkilat ezalirining bashqa dölet yaki guruppilargha qarshi urushlargha qatnishishining mumkinsizlikini otturigha qoydi. Bayanat axirida mezkur teshkilatning türkiyide qanunluq tizimlitilghan bir teshkilat ikenliki eskertilip, bu teshkilat ezalirining türkiye puqrasi bolush salahiyiti bilen süriye mesiliside, türkiyidiki 75 milyon xelq bilen bir meydanda ikenliki tekitlendi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet