Xitay Uyghur élide istratégiyilik néfit zapisi bazisi qurush qurulushini bashlidi

Xitay da'irilirining jüme küni ashkarilishiche, xitay peyshenbe kündin bashlap maytagh rayonida Uyghur ilidiki tunji istratégiyilik néfit zapisi bazisini qurushqa bashlighan.
Muxbirimiz erkin
2009-09-25
Share

Fransiye axbarat agéntliqining bu heqtiki bir xewiride xitay döletlik énérgiye ministirliqining mes'uli jang gubawning sözini neqil keltürüp körsitishiche, u "biz néfit zapisi bazisini qurush qurulushini tünügündin bashlap shinjangdiki maytaghda bashliduq.... Bu 2 ‏- basquchluq néfit zapisi baza qurulushining bashlan'ghanliqini körsitidu" dégen.

Shinxu'a agéntliqining xewirige qarighanda, yuqiriqi emeldar qazaqistan we rusiyidin import qilin'ghan 4.5 Milyon kub métir xam néfitning bu bazida saqlinidighanliqi, néfit qachilash ishlirining öktebirde bashlinidighanliqini bildürgen.

Maytaghdiki bu istratégiyilik zapas néfit bazisida xitayning 2‏ - basquchluq istratégiyilik zapas néfit pilanidiki omumi néfit zapisining 20% i, maytaghdiki mezkur zapas néfit bazisida saqlinidiken.

Shinxu'a agéntliqining xewer qilishiche, peyshenbe küni yene xitayning Uyghur ilidiki 6 énérgiye qurulush türi ish bashlighan. Bu 3 éléktr istansisi, bir suyuqlandurulghan tebi'iy gaz qurulushi we bir éléktr tori qurulushini öz ichige alidiken.

Jang gobaw bu qurulush türlirige 23 milyard yüen meblegh sélinidighanliqi, 6000 kishige xizmet tépilidighanliqini bildürgen.

Xitayning 1‏ - basquchluq istratégiyilik zapas néfit bazisi, sherqiy daliyendiki jénxey, xu'angdaw, jawshenlerde qurulghan bolup, 16 milyon kub métir xam néfit sighatti. Eger xitayning maytaghdiki 2 - basquchluq zapas néfit bazisi pütse, bu xitayning 90 künlük néfit éhtiyajini qamdiyalaydiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.