бу сәвәбтин шәнбә күни хоңкоңда кәң көләмлик намайиш йүз берип, хитай мәркизи һөкүмитиниң хоңкоңлуқ яш-өсмүрләрниң меңисини юмақчи болуватқанлиқиға қарита қаршилиқ билдүрүлгән иди. бүгүн йәни дүшәнбә күни хоңкоң район башлиқи ляң җиңйиң дөләт тәрбийиси дәрсликигә қарши туруватқан ата-анилар билән мәзкур мәсилидә мәслиһәтлишиш тәклипини оттуриға қойған. у сөзидә йеңи дәрсликниң оқуғучиларниң мустәқил пикир қилиш, обйектип вә адил һөкүм қилиш иқтидариға кашила қилмайдиғанлиқини тәкитлигән.
намайишқа қатнашқан ата-аниларниң вәкиллири болса, мәзкур темида һөкүмәт билән артуқчә музакирә қилишни халимайдиғанлиқини, чүнки даириләрниң музакиригә селиш арқилиқ мәзкур дәрслик пиланини һәққанийлаштурмақчи болуватқанлиқини илгири сүргән.
мәлум болушичә, хоңкоңлуқ ата-анилар мәркизи һөкүмәт тәрипидин теңилған дөләт тәрбийиси дәрсликини хитай компартийисигә садақәтмәнликни йетиштүрүш тәрбийиси дәп қарашмақта вә буни әвладлириниң сағлам өсүп йетилиши үчүн зиянлиқ дәп қарашмақта.