Хоңкоңда тәйинләнгән башлиқ лең чүнйиңниң тәхти давалғумақта

Бейҗиңниң тәйинлиши билән вәзипә өтәватқан хоңкоңниң алаһидә район башлиқи лең чүнйиң, йеқиндин бери хоңкоңда давамлишиватқан наразилиқ намайишлири сәвәбидин бейҗиң ата қилған тәхтини қоғдашта қийинчилиққа дуч кәлмәктә. Франсийә ахбарат агентлиқиниң хәвәр қилишичә, йеңи йил күнлири хоңкоңда қарму-қарши гуруппидики нәччә онмиң киши намайиш өткүзгән.
Мухбиримиз шөһрәт һошур
2013.01.02

Намайишта бир гуруппа лең чүнйиңни истепаға чақирса, йәнә бир гуруппа униң тәхттин чүшмәсликини тәләп қилған. Наразилиқ намайишиниң башлинишиға, лең чүнйиңниң һәшәмәтлик шәхсий қорусиниң шәһәр қурулуш өлчимигә уйғун болмиғанлиқи сәвәб болған.

Бу пурсәттә намайишчилар, хоңкоңлуқларниң өз башлиғини өзлири биваситә сайлиши керәкликини, 2017 ‏-йили өткүзүлмәкчи болуватқан омуми сайламниң һазирла елип берилиши керәкликини оттуриға қойған.

Франсийә ахбарат агентлиқиға пикир баян қилған хоңкоңдики җәмийәт мутәхәссислири, лең чүнйиңниң нөвәттә ишәнч кризисиға дуч кәлгәнликини, шуңа дәрһал үнүмлүк тәдбир қоллинип, өз образини түзүши керәкликини, ундақ болмиғанда илгирики район башлиқиға охшаш тәқдиргә муптила болидиғанлиқини илгири сүрүшкән.

Хоңкоңниң илгирики район башлиғиниңму шәхсий қору җайиниң қурулмиси шәһәрниң өлчимигә чүшмигәчкә, 500хоңкоңда миң кишилик намайиш қозғалған вә у вәзиписидин истепа беришкә мәҗбур болған.

Мунасивәтлик хәвәрләр
Қисқа хәвәрләр
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.