Xongkongda teyinlen'gen bashliq léng chünyingning texti dawalghumaqta

Béyjingning teyinlishi bilen wezipe ötewatqan xongkongning alahide rayon bashliqi léng chünying, yéqindin béri xongkongda dawamlishiwatqan naraziliq namayishliri sewebidin béyjing ata qilghan textini qoghdashta qiyinchiliqqa duch kelmekte. Fransiye axbarat agéntliqining xewer qilishiche, yéngi yil künliri xongkongda qarmu-qarshi guruppidiki nechche onming kishi namayish ötküzgen.
Muxbirimiz shöhret hoshur
2013.01.02

Namayishta bir guruppa léng chünyingni istépagha chaqirsa, yene bir guruppa uning texttin chüshmeslikini telep qilghan. Naraziliq namayishining bashlinishigha, léng chünyingning heshemetlik shexsiy qorusining sheher qurulush ölchimige uyghun bolmighanliqi seweb bolghan.

Bu pursette namayishchilar, xongkongluqlarning öz bashlighini özliri biwasite saylishi kéreklikini, 2017 ‏-yili ötküzülmekchi boluwatqan omumi saylamning hazirla élip bérilishi kéreklikini otturigha qoyghan.

Fransiye axbarat agéntliqigha pikir bayan qilghan xongkongdiki jem'iyet mutexessisliri, léng chünyingning nöwette ishench krizisigha duch kelgenlikini, shunga derhal ünümlük tedbir qollinip, öz obrazini tüzüshi kéreklikini, undaq bolmighanda ilgiriki rayon bashliqigha oxshash teqdirge muptila bolidighanliqini ilgiri sürüshken.

Xongkongning ilgiriki rayon bashlighiningmu shexsiy qoru jayining qurulmisi sheherning ölchimige chüshmigechke, 500xongkongda ming kishilik namayish qozghalghan we u wezipisidin istépa bérishke mejbur bolghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.