Xongkongning saylam netijisi xongkongluqlarning démokratiye séghinishini eks ettürdi

En'gliye b b s agéntliqining yézishiche, eslide xongkong parlaméntning omumi eza sani 60 neper bolup, buning 30 nepiri omumi saylam arqiliq békitilse, qalghan 30 nepiri xongkongdiki herqaysi saheler yeni menpe'etdar guruppilar teripidin saylinatti.

Siyasiy islahatning bir parchisi süpitide xongkongning bu qétimqi saylimida, omumiy saylam arqiliq békitilidighan parlamént ezalirining sani 40 qa yükseldürgen. Saylamda bu 40 ezaning 21 ini démokratlar, 19 ini béyjing terepdarliri igiligen. Menpe'etdar guruppilar teripidin saylinidighan 30 ezaning 6 sini démokratlar, 24 ini béyjing terepdarliri igiligen.

Xongkongluqlarning démokratik teleplirige jawaben, xitay merkizi hökümiti xongkongluqlarning 2017-yili öz rayon bashliqini, 2020-yili bolsa barliq parlamént ezalirini omumiy saylam arqiliq saylashqa ruxset qilidighanliqi heqqide wede bergen.

Analizchilarning qarishiche, parlaméntta démokratlarning 1/3 qisimdin yuqiri nisbette bolushi, ulargha ret qilish hoquqigha yetküdek küch ata qilghan bolup, bu xongkongning toluq démokratiyige qarap ilgirilishide türtkilik rol oynishi mumkin. Bu qétimqi saylamgha saylam hoquqigha ige kishilerning 53%i qatnashqan bolup, bu san, 2008-yilidiki saylamgha nisbeten 8% artuq. Saylamgha qatnashquchilarning sanidiki bu yüksilishmu közetküchiler teripidin xongkongluqlarning toluq démokratiyige bolghan séghinishining eks étishi dep qaralmaqta.