Xongkongda 5 neper parlamént ezasi istipa berdi

Xongkong parlaméntidiki démokratiye terepdari 5 neper parlamént ezasi bügün istipa bergen. Ular istipasining meqsiti heqqide toxtilip, xongkongda yolgha qoyuliwatqan yérim démokratiyige naraziliq bildürüsh we toluq démokratiyige bolghan teqazzaliqini ipadilesh ikenlikini bildürgen.
Muxbirimiz shohret hoshur
2010.01.26
Share on WhatsApp
Share on WhatsApp

Xongkongning nöwettiki tüzümi boyiche, xongkong parlaméntida nöwette 60 eza bolup, buning peqet 30 nepiri saylam arqiliq wujudqa kélidu. Qalghanliri herqaysi kespiy saheler teripidin teyinlinidu؛ xongkongning rayon bashlighi 800 kishilik saylam komitéti ezaliri teripidin saylinidu؛ emma saylam komitéti ezaliri béyjing teripidin teyinlinidu.

Shunga xongkongdiki démokratchilar, xongkongda omumi saylam élip bérilishni telep qilmaqta. Béyjing bolsa, xongkongda omumi parlamént saylimini 2020 ‏ - yili, rayon bashlighi saylimini 2017 ‏ - yili ötküzüshke qoshulghan.

Bügün xongkong rayon bashlighi danald tang, besh neper parlamént ezasining istipasidin epsuslan'ghanliqini bildürüsh bilen bille, ularning omumi saylam we ammiwi awaz bérish teleplirining qanuni asasiy yoqluqini bayan qilghan.

Buninggha qarita xongkong awam partiyisi inkas qayturup, démokratiyige heqiqi ishen'güchilerni saylamdin qorqmasliqqa chaqirghan. Nöwette xongkong parlaméntida démokiratlarning sani az bolghachqa, parlamént qararlirida béyjing terepdari wekiller üstünlükni igilimekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.