D u q xitayni xoten ayropilan weqeside heddidin ziyade küch qollan'ghan dep eyiblidi

Qurultay ijra'iye komitétining re'isi dolqun eysa bügün radi'omiz ziyaritini qobul qilip, xitayning mezkur weqede heddidin ziyade küch qollan'ghanliqini ilgiri sürdi. Dolqun eysaning bildürüshiche, “Mezkur ayropilanda 7 neper saqchi bolghan iken, saqchilarning gumandarlarni jan bixeterlikige xewp yetküzmigen asasta tutush we sot échip qanun boyiche bir terep qilish imkani tamamen mewjut. Lékin xitay saqchiliri Uyghur élidiki bashqa weqelerde bolghandek, bu weqeni bir terep qilishtimu gumandarlarning jan bixeterliki we qanuniy tertip bilen qilche hésablashmighan.”

Dolqun eysa yene “Gumandarlardin ikkisining weqedin ikki kün ötkende jan üzgenliki gumandarlarning ayropilanda yaki soraq jeryanida éghir zeximlen'genlikining ipadisi” dédi. Dolqun eysa sözining axirida, xitay zulum we zorawanliqni toxtatmighuche rayonda muqimliqni menggü emelge ashuralmaydighanliqini eskertti.