Д у қ дуня сәһийә тәшкилатини хотәндики зәһәрлиниш вәқәсини тәкшүрүшкә чақирди

Дуня уйғур қурултийи баянатчиси дилшат ришит дүшәнбә күни хәлқара мәтбуатларда баянат елан қилип, дуня сәһийә тәшкилатини 19-авғуст хотән гума наһийисидә йүз бәргән аччиқсудин зәһәрлиниш вәқәсини тәкшүрүшкә чақирди.
Мухбиримиз меһрибан
2011.08.23

19-Авғуст күни хотәнниң гума наһийиси санҗу йезисида 200гә йеқин адәмниң йемәкликтин зәһәрлиниш вәқәси йүз берип 11 адәм өлгән иди.

Хитай һөкүмити мәлуматлирида вәқәниң техи тәкшүрүлүватқанлиқи баян қилинип, пуқраларниң аптомобилларниң тоңлитишниң алдини елиш суюқлуқи қачилинидиған бакқа қачиланған парчә аччиқсуни истемал қилғанлиқи сәвәбидин зәһәрләнгән болуши мумкинлики илгири сүрүлгән иди.

Радиомиз йәрликтин игилигән учурларда аччиқсу қачиланған бак хитайниң шәндуң өлкисидики мәлум бир химийә завутиниң санаәт кислатаси қачилашта ишлитилгән баклири икәнлики мәлум болмақта.

Чәтәлләрдики доригәрлик һәм химийә санаити кәсиплири билән шуғуллинидиған уйғурларниң билдүрүшичә, бирла вақитта нурғун адәмниң шунчә қисқа вақитта зәһәрлинип өлүшигә шу хил йемәкликтә тәркиби интайин өткүр болған һәм йетәрлик миқдардики зәһәр бөлиши керәкликини тәкитләп, йемәклик үчүн ишлитилидиған аччиқсуниң санаәт суюқлуқи қачиланған бакқа қачилинишила шунчә адәмниң өлүшини кәлтүрүп чиқириш еһтималиниң төвәнликини илгири сүрмәктә.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.