Xoten waliysi diniy zatlardin 'asasiy qatlamdiki partiyisiz kadirliq' wezipisini toluq jari qildurushni telep qilghan

Xoten hökümet torida körsitishiche, mezkur kursqa xotenning her qaysi jayliridin kelgen 160 diniy zat qatnashqan.

Jür'et imin munularni körsetken "diniy zatlar ishenchini mustehkemlep, milletler ittipaqliqini qoghdash we jem'iyet muqimliqini saqlashtiki mes'uliyet we burch tuyghusini yenimu ilgiriligen halda kücheytishi kérek."

U yene, diniy zatlardin "alahide burchini üstige alghan asasiy qatlamdiki partiyisiz kadirliq rolini toluq jari qildurup, partiyining diniy siyasitini izchil yürgüzüsh, dinni aktip halda sotsiyalistik jem'iyetke maslashturushqa qarap yéteklep, dinning maslashturush rolini toluq jari qildurush" qatarliqlarni telep qilghan.

Melum bolushiche, bu nöwetlik terbiyilesh kursida, xitay merkizi hökümiti yéqinda achqan "shinjang xizmet yighini" ning rohini "estayidil öginish, xitay kompartiyisining diniy siyasiti, xotenning muqimliq weziyitini tehlil qilish" qatarliqlar asasliq téma süpitide ögitilidiken.

Xelq'ara kishilik hoquq jem'iyetliri xitay da'irini diniy erkinlikini boghush bilen eyiblep kéliwatqan idi.