Xoten wilayetlik j x idarisi uqturush chiqirip, tor ehlidin 'saghlam bolmighan uchurlar'ni saqchigha melum qilishni telep qildi

"Xoten hökümet tori" da bu heqte bérilgen xewerde körsitishiche, uqturush, mushu ayning 20 - küni chiqirilghan. Uqturushni xoten wilayetlik j x idarisi tor bixeterlikini qoghdash etriti tarqatqan.

Uqturush, xitay jama'et xewpsizlik ministirliqi tarqatqan "kompyutér uchur tori we intérnét bixeterlikini qoghdash charisi" serlewhilik 33 - nomurluq buyruqning 5 - maddisigha asasen chiqirilghan.

Uqturushta neqil qilishiche, mezkur 33 - nomurluq buyruqta, tor ehlining intérnét arqiliq "qarshiliq heriketlirige, asasiy qanunni buzush, dölet hakimiyiti we sotsiyalistik tüzümni aghdurup tashlashqa qutratquluq qilishi " gha yol qoyulmaydighanliqi körsitilgen.

Xitay hökümiti "5 - iyul ürümchi weqesi" yüz bergendin kéyin, Uyghur élidiki intérnét alaqisini üzüp tashlighan we 10 aydin kéyin eslige keltürgen idi.

Bu heqtiki yerlik belgilimiler Uyghur élide intérnét alaqisi eslige keltürülüp uzun ötmey körülüshke bashlidi.