Хотән дияри қум боранниң һуҗумиға учриди

12 - Март җүмә күни уйғур ели хотән дияри қум боранниң һуҗумиға учриди. Тәйвән мәркизий агентлиқида хәвәр қилинишичә, қум боран җүмә күни чүштин кейин бир аз пәсәйгән болсиму, пүтүн шәһәрни қум тозанлири қаплиған. Боран учуруп кәлгән тозанларниң қоюқлуқи интайин юқири болғачқа пүтүн юртни қараңғулуқ қаплап кәткән.
Мухбиримиз җүмә
2010-03-13
Share

Хәвәрдә көрситишичә, қум боранниң қаплаш даириси 500 километир әтрапида болған. Йәрлик һаварайи идарилири қум боранниң 16 - мартқичә давам қилидиғанлиқини мөлчәрләнгән.

Хотән дияри тәклимакан қумлуқиниң чекигә җайлашқан бостанлиқ юртларниң бири. Бәзи тәтқиқат нәтиҗилиригә қариғанда тарим дәряси сүйиниң хитай биңтуәнлиригә бөлүветилиши әтрапидики йепинча өсүмлүкләрни вәйран қилип, қум көчүш һадисисини еғирлаштурған. Нәтиҗидә хотән дияриниң екологийилик тәңпуңлуқи еғир дәриҗидә бузғунчилиққа учрап хотәндә қум боран һуҗумлири көп көрүлүшкә башлиған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт