Ху җинтав 'хитай - америка мунасивәтлириниң яхшиланғанлиқини көрүшни халаймән' дәп җакарлиди

Бирләшмә агентлиқиниң бейҗиңдин баян қилишичә, хитай рәиси ху җинтав бүгүн, америка һөкүмитиниң юқири дәриҗилик мәслиһәтчилиридин одонилун қатарлиқ кишиләр билән көрүшкәндә, хитай билән америка оттурисидики һазирқидәк йирик мунасивәтләрниң яхшиланғанлиқини көрүшни халаймән, дәп җакарлиди.
Мухбиримиз вәли
2010-09-08
Share

Америкиниң алаһидә әлчилириниң хитайни бу қетимқидәк тосаттин зиярәт қилиши адәттә аз учрайдиған вәқә иди. Ху җинтав адәттә бундақ дәриҗидики чәтәл әмәлдарлири билән көрүшмәйтти.

Хәвәрдә әскәртилишичә, бир нәччә айдин буян америка билән хитай оттурисида содидики тәңпуңлуқ бузулғанлиқи, хитай хәлқ пулиниң обороттики қиммитини техичә контрол қилип туруватқанлиқи, америкиниң тәйвәнгә қорал сетиши қатарлиқ мәсилиләр түпәйлидин, америка -хитай оттурисида пүтүн йәр шари характерлик йириклишиш пәйда болған иди.

Хитай ташқи ишлар министирлиқиниң баянатчиси түнүгүнму 'хитай әмди хәлқ пулиниң обороттики қиммити һәққидә америкиниң һәр қандақ бесимни қобул қилмайду' дәп җакарлиған иди.

Тәһлилчиләр, америка -хитай оттурисида йүз бериш еһтимали болған бир қетимлиқ урушни тәсәввур қилишқа башлиған, һазир бундақ әһвал астида, америка -хитай мунасивити үстидә ойлиниш һәр қандақ вақиттикидин муһим болуп қалған иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.