Xu jintaw 'xitay - amérika munasiwetlirining yaxshilan'ghanliqini körüshni xalaymen' dep jakarlidi

Birleshme agéntliqining béyjingdin bayan qilishiche, xitay re'isi xu jintaw bügün, amérika hökümitining yuqiri derijilik meslihetchiliridin odonilun qatarliq kishiler bilen körüshkende, xitay bilen amérika otturisidiki hazirqidek yirik munasiwetlerning yaxshilan'ghanliqini körüshni xalaymen, dep jakarlidi.
Muxbirimiz weli
2010-09-08
Élxet
Pikir
Share
Print

Amérikining alahide elchilirining xitayni bu qétimqidek tosattin ziyaret qilishi adette az uchraydighan weqe idi. Xu jintaw adette bundaq derijidiki chet'el emeldarliri bilen körüshmeytti.

Xewerde eskertilishiche, bir nechche aydin buyan amérika bilen xitay otturisida sodidiki tengpungluq buzulghanliqi, xitay xelq pulining oborottiki qimmitini téxiche kontrol qilip turuwatqanliqi, amérikining teywen'ge qoral sétishi qatarliq mesililer tüpeylidin, amérika -xitay otturisida pütün yer shari xaraktérlik yiriklishish peyda bolghan idi.

Xitay tashqi ishlar ministirliqining bayanatchisi tünügünmu 'xitay emdi xelq pulining oborottiki qimmiti heqqide amérikining her qandaq bésimni qobul qilmaydu' dep jakarlighan idi.

Tehlilchiler, amérika -xitay otturisida yüz bérish éhtimali bolghan bir qétimliq urushni tesewwur qilishqa bashlighan, hazir bundaq ehwal astida, amérika -xitay munasiwiti üstide oylinish her qandaq waqittikidin muhim bolup qalghan idi.

Toluq bet