Ху җинтавниң америкини зиярәт қилиш пилани кечиктүрүлүши мумкин

Хитай дөләт рәиси ху җинтавниң келәр айда америкини зиярәт қилиш пилани кечиктүрүлүши мумкин. Инглиз тилидики "нәнхуа әтигәнлик гезити" хәвәр қилишичә, ху җинтавниң америка зияритиниң йеқиндин бери хитай - америка мунасивәтлиридә йүз бәргән җиддийчилик сәвәбидин кечиктүрүлүш еһтимали мәвҗут.
Мухбиримиз әркин
2010-08-11
Елхәт
Пикир
Share
Принт

"Нәнхуа әтигәнлик гезити" ниң хитай дипломатийә саһәсидики әмәлдарларниң сөзидин нәқил кәлтүрүшичә, нөвәттә бейҗиң билән вашингтонниң ху җинтавниң америка зияритини орунлаштуруш бойичә елип берилидиған тәйярлиқ йиғини тохтап қалған. Бу йиғин зиярәтни орунлаштурудиған зөрүр йиғинларниң бири болсиму, лекин тәрәпләр һазирға қәдәр келишим һасил қилалмиған вә кәлгүси бир қанчә һәптә ичидә һечқандақ йиғин орунлаштурулмиған.

Президент обама тәхткә чиққандин кейин, ху җинтавни америкиға зиярәткә тәклип қилған болуп, ху җинтав бу тәклипни қобул қилған һәм бу йил ичидә америкини зиярәт қилишқа вәдә бәргән иди. Лекин, йеқинда америкиниң авиаматка әвәтип, җәнубий корийә билән сериқ деңизда һәрбий маневир өткүзүшкә тәйярлиниши, алдинқи күни америка авиаматкисиниң вейтнамни зиярәт қилип, бирләшмә һәрбий маневир өткүзүши хитайни биарам қилған. Хитай америкиға инкас қайтуруп сериқ деңизда маневир өткүзгән иди.

Пикирләр (0)
Share
Толуқ бәт