Xu jintawning amérikini ziyaret qilish pilani kéchiktürülüshi mumkin

Xitay dölet re'isi xu jintawning kéler ayda amérikini ziyaret qilish pilani kéchiktürülüshi mumkin. In'gliz tilidiki "nenxu'a etigenlik géziti" xewer qilishiche, xu jintawning amérika ziyaritining yéqindin béri xitay - amérika munasiwetliride yüz bergen jiddiychilik sewebidin kéchiktürülüsh éhtimali mewjut.
Muxbirimiz erkin
2010-08-11
Élxet
Pikir
Share
Print

"Nenxu'a etigenlik géziti" ning xitay diplomatiye sahesidiki emeldarlarning sözidin neqil keltürüshiche, nöwette béyjing bilen washin'gtonning xu jintawning amérika ziyaritini orunlashturush boyiche élip bérilidighan teyyarliq yighini toxtap qalghan. Bu yighin ziyaretni orunlashturudighan zörür yighinlarning biri bolsimu, lékin terepler hazirgha qeder kélishim hasil qilalmighan we kelgüsi bir qanche hepte ichide héchqandaq yighin orunlashturulmighan.

Prézidént obama textke chiqqandin kéyin, xu jintawni amérikigha ziyaretke teklip qilghan bolup, xu jintaw bu teklipni qobul qilghan hem bu yil ichide amérikini ziyaret qilishqa wede bergen idi. Lékin, yéqinda amérikining awi'amatka ewetip, jenubiy koriye bilen sériq déngizda herbiy manéwir ötküzüshke teyyarlinishi, aldinqi küni amérika awi'amatkisining wéytnamni ziyaret qilip, birleshme herbiy manéwir ötküzüshi xitayni bi'aram qilghan. Xitay amérikigha inkas qayturup sériq déngizda manéwir ötküzgen idi.

Toluq bet