Xu jintaw ‏5 - iyul weqesidin kéyin Uyghur élide resmiy xizmet tekshürdi

Xu jintaw yene, mexsus 5 - iyul ürümchi weqesi heqqide toxtilip, bu weqeni "chet'eldiki we chégra ichidiki üch xil küchlerning birliship pilanliq élip barghan, urup - chéqish, öltürüsh, ot qoyush zorawanliq herikiti" dep tekitligen hemde ‏5 - iyul ürümchi weqesini tinjitishqa qatnashqan hem hazirgha qeder Uyghur élide turuwatqan xitay qoralliq esker, saqchi qisimlirigha rehmet éytqan.

Xu jintaw mexsus doklatida, Uyghur élidiki kadirlargha yene iqtisadni tereqqiy qildurushni yadro qilishta tewrenmeslik, jem'iyet muqimliqni saqlashta tewrenmeslik, her milletler ortaq ittipaqliship küresh qilishta tewrenmesliktek üchte tewrenmeslik idiyisi boyiche wezipini orunlashni, muqimliqning hemmini bésip chüshidighanliqini qayta eskertken.

5 - Iyul ürümchi weqesi yüz bergen peytte, xu jintaw 20 dölet aliy derijilikler uchrishishi üchün italiyide ziyarette idi, weqe yüz bergenlik xewirini anglighan xu jintaw yighin pilanini bikar qilip derhal xitaygha qaytqan we Uyghur élige esker kirgüzüsh buyruqi bergen.

Xewerlerdin ashkarilinishiche, xitay re'isi xu jintawning 5 - iyul weqesidin kéyin ürümchidiki bu tunji qétimliq ziyariti intayin qattiq bixeterlik wasitiliri astida élip bérilghan bolup, hetta uning ziyariti xitay axbaratlirida üch kündin kéyin resmiy élan qilinishqa bashlighan, qisqa uchurlardin kéyin bu heqte tepsiliy melumat anglaysiler.