Хуҗинтав хитай кадирларни аз санлиқ милләтләрниң тилини өгинишкә чақирған

Ройтерс агентлиқиниң бүгүн бейҗиңдин хәвәр қилишичә, хитай рәиси хуҗинтав сәйшәнбә күни бир йиғинда сөз қилип, аз санлиқ милләтләр районида яшаватқан хитай кадирларниң, шу җайдики аз санлиқ милләтләрниң тилини өгинишкә, аз санлиқ милләтләрни чүшүнүшкә вә уларниң мәдәнийитигә һөрмәт қилишқа чақирған.
Мухбиримиз шоһрәт һошур
2009.09.29

Әслидә хуҗинтав оттуриға қойған бу чақириқ, хитайниң қанун вә һөҗҗәтлиридә хели бурунла оттуриға қоюлған; әмма йерим әсирдин бери әмәлийләшмигән.

Хуҗинтавниң бу қетим, 5 - июл үрүмчи вәқәсидин кейин мәзкур чақириқни қайта тәкрарлиши, хитай һакимийитиниң өз хаталиқини тонуш позитсийиси сүпитидә көрүлмәктә. Әмма хунҗинтав сөзиниң давамида хитай һөкүмитиниң милләтләр мәсилисини ғәлибилик һәл қилип кәлгәнликини, хитай компартийисиниң аз санлиқ милләтләр сияситиниң тамамән тоғра икәнликини тәкитлигән.

Көзәткүчиләрниң қаришичә, хуҗинтавниң охшаш вақитта ипадилигән һәм хаталиқини тонуш, һәм хаталиқини инкар қилиш позитсийиси, хитай рәһбәрлик қатлиминиң милләтләр мәсилисини һәл қилишта, пикир ихтилапи яки теңирқаш ичидә икәнликини көрсәтмәктә.

Мунасивәтлик хәвәрләр
Қисқа хәвәрләр
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.