Ху җяниң нобил мукапатиға лайиқ намзат икәнлики хитайни ғәзәпләндүрди

Осло хәлқара тинчлиқ институтиниң рәиси штайин тонәнсонниң бу йилқи нобил тинчлиқ мукапатиниң хитай сиясий өктичииси ху җияға берилиши керәклики тоғрисидики баянати бейҗиң һөкүмитини ғәзәпләндүрди.
Мухбиримиз әқидә
2008.09.25

Хитай һөкүмити пәйшәнбә күни" әгәр бу йиллиқ нобил тинчлиқ мукапати бир хитай сиясий өктичисигә берилсә, хитай һөкүмити буниңдин қаттиқ нарази болиду" дәп агаһландурди.

Ройтерис агентлиқиниң бейҗиңдин хәвәр қилишичә, хитай ташқи ишлар минстирлиқиниң баянатчиси лию җәнчав пәйшәнбә күни мухбирларға бәргән баянатида, " хитай һөкүмити бундақ бир мукапатни қарши алмайду. Нобил тинчлиқ мукапати дуняда тинчлиқни һәқиқий қоғдиған бир кишигә берилиши керәк," дегән.

Осло хәлқара тинчлиқ институтиниң рәиси штайин тонинсон вә осло университети хәлқара мунасивәтләр факултетиниң профессори җанне һаләнд матларий баянат елан қилип, түрмидики хитай демократийә вә әйдиз паалийәтчиси ху җияни 2008‏ - йиллиқ нобил тинчлиқ мукапатиға намзат көрситидиғанлиқини җакарлиған.

Уйғур миллий һәрикитиниң рәһбири вә дуня уйғур қурултийиниң рәиси рабийә қадир ханим, үч йилдин бири нобил тинчлиқ мукапатиға намзат көрситилмәктә. Хәвәрләргә қариғанда, бу йиллиқ нобил тинчлиқ мукапатиниң саһиби 10‏ - өктәбир күни елан қилинидикән.


Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.