Xu jyaning nobil mukapatigha layiq namzat ikenliki xitayni ghezeplendürdi

Oslo xelq'ara tinchliq institutining re'isi shtayin tonensonning bu yilqi nobil tinchliq mukapatining xitay siyasiy öktichi'isi xu jiyagha bérilishi kérekliki toghrisidiki bayanati béyjing hökümitini ghezeplendürdi.
Muxbirimiz eqide
2008-09-25
Share

Xitay hökümiti peyshenbe küni" eger bu yilliq nobil tinchliq mukapati bir xitay siyasiy öktichisige bérilse, xitay hökümiti buningdin qattiq narazi bolidu" dep agahlandurdi.

Roytéris agéntliqining béyjingdin xewer qilishiche, xitay tashqi ishlar minstirliqining bayanatchisi liyu jenchaw peyshenbe küni muxbirlargha bergen bayanatida, " xitay hökümiti bundaq bir mukapatni qarshi almaydu. Nobil tinchliq mukapati dunyada tinchliqni heqiqiy qoghdighan bir kishige bérilishi kérek," dégen.

Oslo xelq'ara tinchliq institutining re'isi shtayin toninson we oslo uniwérsitéti xelq'ara munasiwetler fakultétining proféssori janné halend matlariy bayanat élan qilip, türmidiki xitay démokratiye we eydiz pa'aliyetchisi xu jiyani 2008‏ - yilliq nobil tinchliq mukapatigha namzat körsitidighanliqini jakarlighan.

Uyghur milliy herikitining rehbiri we dunya Uyghur qurultiyining re'isi rabiye qadir xanim, üch yildin biri nobil tinchliq mukapatigha namzat körsitilmekte. Xewerlerge qarighanda, bu yilliq nobil tinchliq mukapatining sahibi 10‏ - öktebir küni élan qilinidiken.


Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet