Ху җинтав русийини зиярәт қилиду

Хәвәрдә ейтилишичә, ху җинтав русийә президенти дмитрий медведев вә баш министир валдимир путин қатарлиқлар билән көрүшиду.

Бу йил русийә билән хитайниң “инақ қошнидарчилиқ, достлуқ вә һәмкарлиқ шәртнамиси” имзаланғанлиқиниң 10 йиллиқи тошқан йилдур.

Русийә билән хитайниң “инақ қошнидарчилиқ, достлуқ вә һәмкарлиқ шәртнамиси” 1950-йили 14-феврал күни йосиф сталин билән мав зедуң арисида түзүлүп, җов енләй билән андрей вишинский имза қойған “совет-хитай достлуқ вә өзара ярдәм бериш шәртнамиси” ниң мөһлити тошуп, 20 йил өткәндин кейин сабиқ русийә президенти борис йелтсин билән хитай рәиси җаң земин арисида 2001-йили, 16-июл күни москвада имзаланған йеңи шәртнамә иди.

Ху җинтав 10-июн күни русийә мәтбуатиниң зияритини қобул қилғанда, 10 йилдин буян икки дөләт мунасивәтлириниң тәрәққий қилип, юқири пәллигә йәткәнликини билдүргән иди.

Хуниң бу қетимқи русийә зиярити җәрянида у медведев билән бирликтә санктпетербургда өткүзүлидиған русийә-хитай иқтисадий мунбиригә қатнишидикән.

Русийә билән хитай изчил түрдә бир-бириниң земин пүтүнлүки вә игилик һоқуқини һөрмәт қилиш, хитай русийиниң чеченийидики һәрикәтлирини қоллаш, русийә хитайниң уйғурлар, тибәтләр вә тәйвәнгә қаратқан сияситини қоллаш һәққидики вәдилиридә чиң туруп кәлмәктә, шуниңдәк мәзкур нуқтилар икки дөләт алий рәһбәрлириниң бирләшмә баянатлиридин изчил түрдә орун алмақта.