Америка ядро қораллар тәҗрибиханисида хитайниң интернет әслиһәлирини ишлитиш чәкләнди

Хәвәрләрдин мәлум болушичә, йеқинда америка дөләт бихәтәрликини нәзәрдә тутуп, йеңи мексика штатидики лос аламос дөләтлик ядро қораллар тәҗрибиханисида хитайниң интернет әслиһәлирини ишлитишни чәклигән.
Мухбиримиз меһрибан
2013.01.08
Share on WhatsApp
Share on WhatsApp

Веки пидиадики учурлардин мәлум болушичә, америкиниң йеңи мексика штатидики лос аламос дөләтлик тәҗрибиханиси 1943-йили қурулған. Бу тәҗрибиханида 1945-йили 7-айда америкиниң тунҗи атом бомбиси тәтқиқ қилип ясалғандин буян, бу йәр хәлқарадики муһим һәрбий тәтқиқат мәркизиниң биригә айланған. Бу тәтқиқат мәркизидә калифорнийә университетиниң 10миң 400 нәпәр хизмәтчисидин башқа йәнә, 2 миң 800нәпәр тохтамлиқ хизмәтчи ишләйду.

Мәлум болушичә, америка лос аламос дөләтлик ядро қораллар тәҗрибиханисида ишлитиш чәкләнгән интернет әслиһәлири хитайниң хаңҗу шәһиридики хуасән учур үскүнилири ширкитиниң мәһсулатлири болуп, бу ширкәт хитайниң хуаветй ширкити билән америкиниң мәлум пән-техника ширкити тәрипидин һәмкарлишип қурулған икән. Йеқиндин буян америка хитайдин келидиған интернет җасуслуқиға диққәт қиливатқан болуп, бултур 11-айда америка иқтисад вә бихәтәрлик көзитиш комитети доклат йоллап, хитайниң интернет дунясида тәһдити әң чоң дөләткә айланғанлиқини илгири сүргән иди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.