Amérika yadro qorallar tejribixanisida xitayning intérnét eslihelirini ishlitish cheklendi

Wéki pidi'adiki uchurlardin melum bolushiche, amérikining yéngi méksika shtatidiki los alamos döletlik tejribixanisi 1943-yili qurulghan. Bu tejribixanida 1945-yili 7-ayda amérikining tunji atom bombisi tetqiq qilip yasalghandin buyan, bu yer xelq'aradiki muhim herbiy tetqiqat merkizining birige aylan'ghan. Bu tetqiqat merkizide kaliforniye uniwérsitétining 10ming 400 neper xizmetchisidin bashqa yene, 2 ming 800neper toxtamliq xizmetchi ishleydu.

Melum bolushiche, amérika los alamos döletlik yadro qorallar tejribixanisida ishlitish cheklen'gen intérnét esliheliri xitayning xangju shehiridiki xu'asen uchur üsküniliri shirkitining mehsulatliri bolup, bu shirket xitayning xu'awéty shirkiti bilen amérikining melum pen-téxnika shirkiti teripidin hemkarliship qurulghan iken. Yéqindin buyan amérika xitaydin kélidighan intérnét jasusluqigha diqqet qiliwatqan bolup, bultur 11-ayda amérika iqtisad we bixeterlik közitish komitéti doklat yollap, xitayning intérnét dunyasida tehditi eng chong döletke aylan'ghanliqini ilgiri sürgen idi.