Xelq'ara yadro sinaqlirigha qarshi turush künide yadroning ziyinigha uchrighan Uyghurlarning heq-hoquqi telep qilindi

Xelq'ara wakaletsiz milletler teshkilati we dunya Uyghur qurultiyi 29-awghust dunya yadro sinaqlirigha qarshi turush küni munasiwiti bilen ortaq bayanat élan qilip, xelq'ara jama'etni xitaygha bésim ishlitishke chaqirdi.
Muxbirimiz irade
2012-08-30
Élxet
Pikir
Share
Print

Bayanatta, Uyghur élining lopnur rayonida xitay hökümiti teripidin élip bérilghan 46 qétimliq atom bomba siniqining rayon ékologiyisige we Uyghur xelqige éghir apetlerni keltürüp, rak we shuninggha oxshash gheyriy késellikler we normalsiz tughut hadisilirini peyda qilghanliqi bayan qilin'ghandin sirt, ziyankeshlikke uchrighan Uyghurlarning dawalinish yardimigimu érishelmeywatqanliqi eskertildi.

Wakaletsiz milletler teshkilati bash sékrétari marino busdachin bayanatida, dunya jama'etchiliki bixewer qalghan bu paji'eni yoruqluqqa chiqirishning ehmiyitini tekitlidi we "Xitay hökümitige bésim ishlitish arqiliq ziyankeshlikke uchrighan Uyghurlargha tölem tölitish, bash tartip bolmaydighan bir mes'uliyet" dédi.

Dunya Uyghur qurultiyi ijra'iye hey'iti re'isi dolqun eysa ependi bolsa sözide yawropa birlikini ziyankeshlikke uchrighuchilar terepdari bolushqa we hökümet teripidin bésiqturulghanlarning awazi bolushqa chaqirdi.

Toluq bet