9‏-Ай японийә аптомобиллириниң хитайда сетилиш миқдари шиддәтлик чүшүп кәткән

Бу йил 9‏-айда бу японийә «MITSUBISHI» вә «FUJI» ширкәтлири ишләпчиқарған аптомобилларниң хитайда сетилиши шиддәтлик чүшүп, 60% тин артуқ азайған.
Мухбиримиз әркин
2012-10-05
Елхәт
Пикир
Share
Принт

Японийә кюто агентлиқиниң хәвәр қилишичә, «MITSUBISHI» ширкити 9‏-айда 2340 данә аптомобил сатқан болуп, өткән йилниң охшаш мәзгилидин 9.62 Пирсәнт аз сетилған. «FUJI» Ширкити 1857 данә аптомобил сатқан болуп, униң содиси 5.64 Пирсәнт чүшүп кәткән. Буниңдин сәл бурун «TOYOTA» ширкити хитайдики аптомобил содисиниң 9-айда 50% чүшүп кәткәнликини елан қилған иди.

Японийә ахбарат васитилириниң хәвәрлиридә, бу әһвални йеқинда йүз бәргән хитайдики японийигә наразилиқ вәқәлири вә японийә маллирини байқут қилиш һәрикити кәлтүрүп чиқарғанлиқи илгири сүрүлгән. Бәзи көзәткүчиләр, японийә аптомобил содисиниң бундақ шиддәтлик чүшүп кетиши тасадипийлиқ, дәп қаримайдиғанлиқини илгири сүрүп, японийә маллирини байқут қилиш һәрикитиниң арқисида хитай һөкүмитиниң қоли барлиқидин гуман қилидиғанлиқини билдүрмәктә.

Нөвәттә японийә бир тәрәптин, сенкаку араллириниң игилик һоқуқидин ваз кәчмәйдиғанлиқини тәкитлисә, йәнә бир тәрәптин, хитай билән болған җиддийчиликни пәсәйтишкә тиришмақта. японийә тәптиш даирилири җүмә күни хитайниң токйода турушлуқ әлчиханисиниң 1‏-дәриҗилик катипи ли чунгуаңниң җинайи җавабкарлиқини сүрүштүрмәйдиғанлиқини елан қилған. Хитайға қечип кәткән ли чунгуаң җасуслуқ қилиш билән әйибләнгән иди. Җүмә күни йәнә, японийә муавин ташқи ишлар вәзири коҗи сурока ш җ а ә мунбириниң йиғиниға қатнишип, араллар мәсилисидики ихтилапни хәлқара қанунларға асасән тинч һәл қилишни тәләп қилған.

Пикирләр (0)
Share
Толуқ бәт