Японийә әркин демократлар партийиси рәиси ясукуни бузрукгаһини тавап қилди

19 - Өктәбир дүшәнбә күни, японийә әркин демократлар партийиси рәиси садакузу танигаки токйо шәһиригә җайлашқан японийә уруш қурбанлири қәбристанлиқи - ясукуни бузрукгаһини тавап қилди.
Мухбиримиз җүмә
2009-10-19
Share

Кйодо хәвәр агентлиқиниң көрситишичә, бу японийидики консерватипларниң мәзкур партийигә болған қоллаш нисбитини юқири көтүрүши мумкин икән.

Бу йил авғуст японийидә елип берилған баш вәзирлик сайлимида, японийә демократик партийиси ғәлибә қилип, 50 йилдин бери японийидә һоқуқ тутуп кәлгән японийә әркин демократлар партийисини мәғлуп қилған иди.
 
Мәлум болушичә, нөвәттә японийә әркин демократлар партийисини қоллайдиғанлар нисбити 30 пирсәнткиму йәтмәйдикән.

Японийә әркин демократлар партийиси тәхттин чүшкәндин кейин, сабиқ малийә министири садакузу танигаки бу йил сентәбирдә мәзкур партийиниң рәиси болуп сайланған.

Ясукуни бузукгаһи, японийә империйә һәрбий кеңәймичиликиниң символи дәп қаралғачқа, бу җайни тавап қилиш иккинчи дуня уруши мәзгилидә японийә бесивалған хитай вә җәнубий корийә қатарлиқ дөләтләрниң наразилиқини қозғиған иди.

Сабиқ японийә баш вәзири чүнчиро киузуми вәзипә өтәватқан мәзгилдә, ясукуни бузукгаһини көп қетим тавап қилған вә нәтиҗидә японийә хитай мунасивәтлири бир нәччә қетим йирикләшкән иди.
 
Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт