Yaponiye erkin démokratlar partiyisi re'isi yasukuni buzrukgahini tawap qildi

19 - Öktebir düshenbe küni, yaponiye erkin démokratlar partiyisi re'isi sadakuzu tanigaki tokyo shehirige jaylashqan yaponiye urush qurbanliri qebristanliqi - yasukuni buzrukgahini tawap qildi.
Muxbirimiz jüme
2009-10-19
Share

Kyodo xewer agéntliqining körsitishiche, bu yaponiyidiki konsérwatiplarning mezkur partiyige bolghan qollash nisbitini yuqiri kötürüshi mumkin iken.

Bu yil awghust yaponiyide élip bérilghan bash wezirlik saylimida, yaponiye démokratik partiyisi ghelibe qilip, 50 yildin béri yaponiyide hoquq tutup kelgen yaponiye erkin démokratlar partiyisini meghlup qilghan idi.
 
Melum bolushiche, nöwette yaponiye erkin démokratlar partiyisini qollaydighanlar nisbiti 30 pirsentkimu yetmeydiken.

Yaponiye erkin démokratlar partiyisi texttin chüshkendin kéyin, sabiq maliye ministiri sadakuzu tanigaki bu yil séntebirde mezkur partiyining re'isi bolup saylan'ghan.

Yasukuni buzukgahi, yaponiye impériye herbiy kéngeymichilikining simwoli dep qaralghachqa, bu jayni tawap qilish ikkinchi dunya urushi mezgilide yaponiye bésiwalghan xitay we jenubiy koriye qatarliq döletlerning naraziliqini qozghighan idi.

Sabiq yaponiye bash weziri chünchiro ki'uzumi wezipe ötewatqan mezgilde, yasukuni buzukgahini köp qétim tawap qilghan we netijide yaponiye xitay munasiwetliri bir nechche qétim yirikleshken idi.
 
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet