Yaponiye hawa qoshunlirining xitaygha qaritilghan mudapi'esi ashurulghan

B b s agéntliqining xewiridin melum bolushiche, yaponiye hawa qoshunlirining xitaygha qaritilghan mudapi'esi ötken yili ashurulghan. Yaponiyining déngiz mudapi'e orginining sanliq melumatida ötken yili 4 - aydin 12 - ayghiche bolghan ariliqta yaponiye küreshchi ayroplanliri chet'el küreshchi ayropilanliri we herbiy paraxotlirining yaponiye déngiz tewesige kirishidin mudapi'e körüsh yüzisidin 335 qétim jiddiy türde uchush élip barghan bolup, bu aldinqi yildikidin üch hesse köpeygen hemde buning xitaygha qaritilishi köp bolghan.
Muxbirimiz ümidwar
2012-01-22
Share

B b s agéntliqining yézishiche, yaponiye ayroplanlirining rusiyige qaritilghan mudapi'e sewebidin uchush nisbiti asasiy salmaqni igiligen bolsimu, biraq xitaygha qaritilghan mudapi'e sewebidin uchush nisbitimu köpeygen. Yaponiye déngiz mudapi'e orgini xitay ayroplanliri we herbiy paraxotlirining sherqiy déngizni merkez qilip, yaponiye etrapidiki heriketlirining kücheygenliki, sénkakko aralliri rayonida razwétka heriketlirini élip barghanliqi, yaponiyining xitayning herbiy heriket yönilishige köngül bölüshi we hushyarliqni ashurushi zörürlikini körsetken.

Sénkako arallirining igilik hoquqi mesilisi uzundin buyan xitay bilen yaponiye arisida talash - tartish peyda qilip kelgen bolup, xitay terep bu arallarning özige tewe ikenlikini tekitlimekte, emma yaponiye buninggha qarshi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet