Minglighan yaponiyilik tokyo shehiride xitaygha qarshi namayish qildi

Shenbe küni yene minglighan yaponiyilik tokyo shehiride xitaygha qarshi namayish qildi. Namayishqa 3 mingdin artuq adem qatnashqan bolup, namayish, xitay béliqchi kémisining yaponiye déngiz qoghdighuchilirining kémisige qesten urulghanliqigha a'it sin léntisi ashkarilan'ghandin kéyin yüz berdi.
Muxbirimiz jüme
2010.11.06

Xewerlerge qarighanda, namayishchilar yaponiye impériyisining bayraqlirini kötürüwalghan bolup, ular shenbe küni tokyodiki bir üsti ochuq tiyatirxanigha yighilip yaponiye dölet marshini oqughan.

Namayishchilar yene, "xitayning asiyadiki mushtumzorluqini eyibleymiz" dégendek pilakatlarni kötürüshken iken.

Melum bolushiche, xitay béliqchi kémisining yaponiye déngiz qoghdighuchilirining kémisige soqulghan léntini hökümet da'iriliri ammigha ashkarilashtin éhtiyat qilghan. Halbuki lénta bashqilar teripidin "yutub" filim torida ashkarilan'ghan.

Filimdiki körünüshtin melum bolushiche, xitay béliqchi kémisi yaponiye déngiz qoghdighuchilirining agahlandurushigha perwa qilmay, kémini tiz sürette heydep kélip, yaponiye qoghdighuchi kémisige qattiq urghan.

Xitay da'iriliri ilgiri buni ret qilghan idi.

Fransiye agéntliqida neqil qilishiche, 30 yashliq masumi yokuni xanim "filimni körgendin kéyin, men buni bir térrorluq herikiti dep chüshendim. Biz térritoriyimizge chang salmaqchi bolghan herqandaq birige qarshi heriket qilishimiz kérek" dégen.

Bu qétimqi sénkaku majirasi, yaponiye - xitay munasiwetlirini éghir derijide yirikleshtürgen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.